Усе словы

анатам назоўнік | мужчынскі род

Спецыяліст па анатоміі.

анатаміраваць дзеяслоў | закончанае і незакончанае трыванне

Разрэзаць (разразаць) труп для навуковых або судова-медыцынскіх мзт.

анатацыя назоўнік | жаночы род | спецыяльны тэрмін

Кароткі выклад зместу кнігі, артыкула і пад.

|| прыметнік: анатацыйны.

анатомія назоўнік | жаночы род

Навука пра будову жывых арганізмаў; будова арганізма, органа.

• А. чалавека.
• А. мозгу.

|| прыметнік: анатамічны. А. атлас.

анафема назоўнік | жаночы род

Пракляцце, адлучэнне ад царквы, цяпер часам ужыв. як лаянка.

• Абвяшчаць анафему каму-н.

анахранізм назоўнік | жаночы род | кніжнае

1. Перажытак мінулага.

2. Памылковае аднясенне з’яў, падзей адной эпохі да другой; хранічная недакладнасць.

|| прыметнік: анахранічны.

|| назоўнік: анахранічнасць.

ангажыраваць дзеяслоў | устарэлае | закончанае і незакончанае трыванне

1. Прапанаваць (-ноўваць) ангажэмент камун.

2. Запрасіць (-прашаць) на танец.

   • А. на кадрылю.

ангажэмент назоўнік | мужчынскі род | устарэлае

Запрашэнне артыстаў на працу на пэўны тэрмін па дагавору.

• Атрымаць а.

ангар назоўнік | мужчынскі род

Спецыяльнае памяшканне для стаянкі і рамонту самалётаў, верталётаў і пад.

|| прыметнік: ангарны.

англаман назоўнік | мужчынскі род | устарэлае

Чалавек, які захапляецца ўсім англійскім.

|| жаночы род: англаманка.

|| прыметнік: англаманскі.

англафоб назоўнік | мужчынскі род | устарэлае

Чалавек, які ненавідзіць усё англійскае.

|| жаночы род: англафобка.

|| прыметнік: англафобскі.

англафіл назоўнік | мужчынскі род | устарэлае

Прыхільнік усяго англійскага.

|| жаночы род: англафілка.

|| прыметнік: англафільскі.

англіканскі прыметнік

1. Які мае адносіны да пануючай у Англіі разнавіднасці пратэстанцкай рэлігіі. Англіканская царква.

2. Які адносіцца да такой царквы.

   • А. святар.

англіцызм назоўнік | мужчынскі род

Слова ці моўны выраз, запазычаны з англійскай мовы.

англічане назоўнік | мужчынскі род

Народ, які з’яўляецца асноўным насельніцтвам Вялікабрытаніі.

|| жаночы род: англічанка.

|| прыметнік: англійскі.

ангіна назоўнік | жаночы род

Запаленне слізістай абалонкі зева, міндалін.

|| прыметнік: ангінны.

андантэ спецыяльны тэрмін

1. прыслоўе: Павольна, плаўна (пра тэмп выканання музычнага твора).

2. назоўнік, нескланяльнае, н. Музычны твор або частка яго ў такім тэмпе.

андарак назоўнік | мужчынскі род

Саматканая паласатая або ў клетку спадніца.

• Святочны а.

|| прыметнік: андарачны.

андатра назоўнік | жаночы род

Грызун з каштоўным футрам, а таксама яго футра.

• Шапка з андатры.

|| прыметнік: андатравы.

анекдатычны прыметнік

1. гл. анекдот.

2. Падобны на анекдот, малапраўдзівы.

   • А. выпадак.

|| назоўнік: анекдатычнасць.

анекдот назоўнік | мужчынскі род

1. Кароткі забаўны, смешны расказ з нечаканай развязкай.

   • Пра яго хадзілі анекдоты.

2. пераноснае значэнне: Смешнае здарэнне (размоўнае).

   • Са мною здарыўся а.

|| прыметнік: анекдатычны.

анексіраваць дзеяслоў | закончанае і незакончанае трыванне

Зрабіць (рабіць) анексію чаго-н.

анексія назоўнік | жаночы род | кніжнае

Насільнае далучэнне якой-н. краіны або яе часткі да іншай краіны.

|| прыметнік: анексійны.

анемічны прыметнік

1. гл. анемія.

2. Малакроўны, вялы, бледны.

   • А. выгляд.

|| назоўнік: анемічнасць.

анемія назоўнік | жаночы род | спецыяльны тэрмін

Малакроўе.

|| прыметнік: анемічны.

анестэзіраваць дзеяслоў | спецыяльны тэрмін | закончанае і незакончанае трыванне

Выклікаць (-клікаць) анестэзію (у 1 знач.), абязболіць (-больваць).

анестэзія назоўнік | жаночы род | спецыяльны тэрмін

1. Аслабленне, страта адчувальнасці.

2. Абязбольванне.

   • Мясцовая а.

|| прыметнік: анестэтычны.

анестэзіялогія назоўнік | жаночы род | спецыяльны тэрмін

Раздзел медыцыны, які займаецца абязбольваннем.

|| прыметнік: анестэзіялагічны.

анестэзіёлаг назоўнік | мужчынскі род | спецыяльны тэрмін

Урач, спецыяліст па анестэзіялогіі.

анкалогія назоўнік | жаночы род

Медыка-біялагічная навука аб пухлінах, іх распазнаванні і лячэнні.

|| прыметнік: анкалагічны.

• А. дыспансэр.

анкета назоўнік | жаночы род

1. Апытальны ліст для атрымання якіх-н. звестак пра таго, хто яго запаўняе. Запоўніць анкету.

2. Збор звестак шляхам атрымання адказаў на пэўныя пытанні (кніжнае).

   • Правесці ў цэху анкету.

|| прыметнік: анкетны.

анкетаваць дзеяслоў | кніжнае | закончанае і незакончанае трыванне

Сабраць (збіраць) якія-н. звесткі шляхам правядзення анкет (у 2 знач.).

|| закончанае трыванне: праанкетаваць.

|| назоўнік: анкетаванне.

анколаг назоўнік | мужчынскі род

Урач, спецыяліст па анкалогіі.

анод назоўнік | мужчынскі род | спецыяльны тэрмін

Дадатны электрод; супрацьл. катод.

|| прыметнік: анодны.

анонс назоўнік | мужчынскі род | кніжнае

Папярэдняя аб’ява (пра гастролі, спектакль, канцэрт, лекцыю і пад.).

|| прыметнік: анонсны.

ансамбль назоўнік | мужчынскі род

1. Зладжанасць, стройнасць частак адзінага цэлага, а таксама само такое цэлае.

   • Архітэктурны а.

2. Калектыў, адпаведны склад спевакоў, музыкантаў і пад.

   • А. песні і танца.

|| прыметнік: ансамблевы.

антаганізм назоўнік | мужчынскі род

Непрымірымая супярэчнасць.

• Класавы а.

|| прыметнік: антаганістычны.

антаганіст назоўнік | мужчынскі род

Непрымірымы праціўнік.

|| жаночы род: антаганістка.

|| прыметнік: антаганісцкі.

анталагічны прыметнік

1. гл. анталогія1.

2. Створаны ў духу антычнай лірыкі (спецыяльны тэрмін).

   • Анталагічная паэзія.

анталогія² назоўнік | жаночы род

Вучэнне аб быцці, характары і структуры рэчаіснасці.

|| прыметнік: анталагічны.

антонаўка назоўнік | жаночы род

Сорт позніх кіслых яблыкаў.

антонім назоўнік | мужчынскі род

У мовазнаўстве: слова, процілеглае па значэнню другому слову, напр. «белы» і «чорны», «дабро» і «зло» і пад.

|| прыметнік: антанімічны.

антракт назоўнік | мужчынскі род

1. Кароткі перапынак паміж дзеямі спектакля ці аддзяленнямі канцэрта.

2. Невялікі музычны твор для выканання паміж дзвюма дзеямі оперы, п’есы.

|| прыметнік: антрактны.

антрапа прыстаўка

Першая частка складаных слоў са знач. які мае адносіны да чалавека, яго вывучэння, напр. антрапагеаграфія, антрапагенез, антрапаметрыя.

антрапалогія назоўнік | жаночы род

Навука аб біялагічнай прыродзе чалавека.

|| прыметнік: антрапалагічны.

антрапамарфізм назоўнік | мужчынскі род | спецыяльны тэрмін

Перанясенне чалавечых псіхалагічных уласцівасцей на з’явы прыроды, жывёл, прадметаў, а таксама ўяўленне багоў у выглядзе людзей.

|| прыметнік: антрапамарфічны.

антрапаніміка назоўнік | жаночы род

Раздзел анамастыкі, які вывучае антрапонімы, заканамернасці іх узнікнення, развіцця і функцыяніравання.

|| прыметнік: антрапанімічны.

антрапанімія назоўнік | жаночы род

Сукупнасць антрапонімаў.

|| прыметнік: антрапанімічны.

антраполаг назоўнік | мужчынскі род

Спецыяліст па антрапалогіі.

антрапонім назоўнік | мужчынскі род

Любое ўласнае імя, якое можа мець чалавек.

|| прыметнік: антрапанімічны.